So'ngi yangiliklar
Bosh sahifa / Bosh sahifa / Биз ҳақимизда

Биз ҳақимизда

111

Kadrovik.uz сайти 2016 йил 1 июндан ўз фаолиятини бошлаган бўлиб, унинг асосий мақсади мулк шаклидан қатъи назар барча корхона, ташкилот, муассасалар кадрлар бўлими ходимларига амалиётда вужудга келаётган меҳнат соҳасидаги турли муаммоларни ҳал этишда ёрдам бериш, соҳадаги қонун ҳужжатлари нормаларини тўғри қўллашда ҳуқуқий маслаҳатлар бериш, шунингдек кенг жамоатчиликни меҳнат ҳуқуқи соҳасидаги ҳуқуқий билимларини ошириш, соҳада вужудга келаётган айрим муаммоларни мутахассислар билан муҳокама қилиб, уларга тўғри ечим топиш орқали меҳнат ҳуқуқи соҳасини ривожлантириш ҳисобланади.

Шу билан бирга сайтда меҳнат ҳуқуқи, ижтимоий таъминот ҳуқуқига оид норматив-ҳуқуқий ҳужжатлар, қонунчиликдаги янгиликлар ва уларга шарҳлар, соҳада таълим олувчиларга битирув-малакавий ишларини ёзишда фойдаланиш бўйича зарур манбалар жойлаштирилган.

Сайтнинг яна бир муҳим имконияти унинг ҳуқуқий мавзудаги савол-жавоблар рубрикаси бўлиб, Сиз «Савол беринг» саҳифасига ўтиб, тегишли шаклни тўлдирган ҳолда исталган ҳуқуқий мавзуга оид ўзингизни қийнаган саволни беришингиз мумкин. Мутахассислар қисқа вақт ичида саволингизни ўрганиб чиқиб, асосли жавоб беришади. Шунингдек, «Барча саволлар» деб номланган саҳифадан Сиз мавжуд ҳуқуқий савол-жавобларни кўриб чиқишингиз, уларга фикр билдиришингиз, шунингдек, саволларга ҳам жавоб беришингиз мумкин.

Юқоридаги имкониятлардан фойдаланиш учун рўйхатдан ўтиш талаб этилмайди. Аммо электрон почта ва исмингизни ҳар сафар киритишингиз керак. Рўйхатдан ўтсангиз, бу каби оворагарчиликларнинг олдини олган бўласиз.

Сайтни такомиллаштириш юзасидан, шунингдек, сайтда ўзингизга керакли қандай маълумотлар бўлишини исташингиз ҳақида юқоридаги e-mail манзилига хабар юбориш орқали таклифларингизни билдиринг.

Биз билан боғланиш!

5
1

Muallif: G'ayrat Bozorov