МКнинг 157-моддасига мувофиқ, дам олиш кунлари ва байрам кунлари, шунингдек, иш вақтидан ташқари вақтда бажарилган ишлар учун камида  икки ҳисса миқдорида ҳақ тўланади. Агар кўрсатилган вақтдаги ишлар учун ходимга унинг илтимосига (хохишига) кўра бошқа дам олиш куни (отгул) берилса, бундай ҳолатда унга камида бир хисса миқдорида меҳнат хақи тўланади.

Ўз-ўзидан савол туғилади – Иш берувчи бажарилган ишлар учун ҳақ тўлашни рад этишга ҳақлими?  Йўқ, ҳақли эмас.

Бунинг устига бундай ҳолат юз бераётган корхоналарда иш берувчи кўпинча қуйидаги қонун бузилишига йўл қўяди: иш вақтидан ташқари ишлаганлик фактини яширади, улар учун ҳақ тўлашнинг белгиланган тартибини бузади. Хар қандай ҳолатда ҳам иш берувчи иш вақтидан ташқари ишлар, шунингдек, байрам ва дам олиш кунларидаги ишлар, жумладан, қонун бўйича бундай ишларга жалб қилиниши тақиқланган ходимларни ишлатганлик учун ҳам юқорида кўрсатилган тартибда компенсация тўлашга мажбурдир.      

Агар сиз дам олиш кунлари ва байрам кунлари, шунингдек, иш вақтидан ташқари вақтда ишларни бажаришда ҳуқуқингиз бузилган деб ҳисобласангиз, меҳнат тўғрисидаги қонунларнинг аниқ ва бир хил ижро этилиши устидан давлат назоратини олиб борадиган Давлат меҳнат ҳуқуқ инспекциясига ёки прокуратурага мурожаат қилишни тавсия этамиз (МКнинг 9-моддаси).

Текширув чоғида ушбу ҳуқуқбузарликлар аниқланганда иш берувчи маъмурий жавобгарликка тортилиб, сизнинг меҳнат ҳуқуқларингиз тикланиши мумкин.