Йиллик таътилларни бериш навбати календарь йил бошлангунга қадар иш берувчи томонидан ходимларнинг вакиллик органи билан келишиб тасдиқланадиган жадвалга мувофиқ белгиланади (МКнинг 144-моддаси).
1. Амалиётда, таътилларни бериш навбати декабр ойида ишлаб чиқилиб, ходимга маълум қилиниб, тилхат олинади. Бундай таништиришни мақсади – ходимни мўлжаллаган муддатда таътил берилишини келишилганлигини билдиради.
2. Таътил бериш вақти ҳақида ходим таътил бошланишидан камида ўн беш кун олдин хабардор қилиниши керак.
Таътил берилиши ҳақида буйруқ – ходим хабардор қилингандан сўнг қабул қилинса ҳамда вақтида таништирилса - қонун талаби бузилмаган ҳисобланади.
Демак, биричи ҳолатда – ходим билан таътилларни бериш навбати мўлжалланган муддатга келишилганлигини билдирса, иккинчи ҳолатда - таътилни бериш вақти ҳақида ходим таътил бошланишидан камида ўн беш кун олдин хабардор қилинганлигини билдиради.
Корхонагиздаги ҳолатни МКнинг 143, 144, 145, 146, 148 – модда талабларидан келиб чиқиб меҳнат тўғрисидаги қонун хужжатларининг талабларини бажарилишини таъминлашингиз мақсадга мувофиқдир.
Жавоблар улар эълон қилинган санада долзарб ҳисобланади.