Меҳнат кодексининг 114-моддасига биноан ходим иш тартибига ёки графигига (жадвалига) ёхуд меҳнат шартномаси шартларига мувофиқ ўз меҳнат вазифаларини бажариши лозим бўлган вақт иш вақти ҳисобланади.
Иш вақти деб ҳисобланадиган вақтни аниқлаб олишни билиши муҳим амалий аҳамиятга эга. Зотан айни шу вақда белгиланган тартибда ҳақ тўланиши лозим, айни шу вақтда ходим меҳнат шартномасида шартлашилган меҳнат вазифаларини бажариши, иш берувчи эса ундан бу вазифаларни бажаришни талаб қилишга ҳақлидир.
Иш вақтини татибга солиш билан боғлиқ кўпгина саволларга жавоб топиш, шу йўналишларда масалаларни аниқлаштириб олиш учун иш вақтини хуқуқий жихатдан тартибга солишга Меҳнат кодексига қанақа ўзгартиришлар киритилганлигини билиш зарур. Шунга эътиборни қаратиш лозимки, бу ўзгартиришларнинг аксарияти меҳнатга оид муносабатларни локал ва якка тартибдаги шартномавий расамадга солишни анчагина кенгайтириш билан боғлиқ бўлиб, ходимлар ва иш берувчилар ташаббускорлигини кучайтиришга, уларга илгари қатъий марказлаштирилган тарзда тартибга солиб келинган кўпгина масалаларни мустақил ҳал этиш имконини беришга қаратилгандир.
Меҳнат кодексининг VII бобида 12 та модда киритилган бўлиб, уларда иш вақтига тааллуқли янги тушунчалар берилган ҳамда илгариги кўпгина тушунчалар ўзгартирилган.
Уларни ўрганиш жараёнида қўйилган саволларга жавоб оласиз деган умиддамиз.
Жавоблар улар эълон қилинган санада долзарб ҳисобланади.