Ўзбекистон Республикаси Иқтисодий фаолият турлари умумдавлат таснифлагичига (ИФУТ 2-таҳрир) мувофиқ электротехник ишлар қуйидаги синфга киради:
- F секцияси «Қурилиш»;
- 43-бўлим «Ихтисослаштирилган қурилиш ишлари»;
- 43.2-гуруҳ «Электротехник, чилангарлик ва бошқа қурилиш-монтаж ишлари»;
- 43.21-синф «Электротехник ва монтаж ишлари».
Бунда 43.2-гуруҳ шу жумладан биноларда электр тизимларни ўрнатиш, шунингдек мазкур гуруҳга кирувчи жиҳозлар тизимлари тўғри монтаж қилингани ва созланганини текшириш, синаш, таъмирлаш ва уларга техник хизмат кўрсатишни, 43.21-синф эса фуқаролик қурилишига доир ҳар қандай бино ва иншоотларда электротехник тизимларни ўрнатишни ўз ичига олиши аниқлаштирилган.
Шу тариқа, корхонангиз бажарадиган ишларни бир йўналишга ихтисослашган, бино ва иншоотларнинг ҳар хил турлари учун умумий, махсус малака ва ускуналарни талаб этувчи қурилиш фаолияти деб баҳолаш мумкин. Бунда корхонангиз ЯИТни ҳисоб-китоб қилиш чоғида "Ходимлар сони ва меҳнатга ҳақ тўлаш фондининг энг кам меъёрлари жорий этилишини ҳисобга олган ҳолда солиқлар ва бошқа мажбурий тўловларни ҳисоблаб чиқариш ва тўлаш тартиби тўғрисидаги" низомдан (АВ томонидан 23.02.2011 йилда 2200-сон билан рўйхатдан ўтказилган) фойдаланиши керак.
Агар ҳисобот чораги якунларига кўра юқорида тилга олинган фаолият турлари корхонангизнинг асосий фаолият тури бўлмаса, ҳисобот чораги учун сиз Ягона ижтимоий тўловнинг энг кам миқдори киритилиши муносабати билан ягона ижтимоий тўловни ҳисоблаб чиқариш ва тўлаш тартиби тўғрисидаги низомга (АВ томонидан 13.04.2010 йилда 2095-сон билан рўйхатдан ўтказилган) мувофиқ ЯИТ ҳисоблаб чиқаришингиз ва тўлашингиз керак бўлади.
Жавоблар улар эълон қилинган санада долзарб ҳисобланади.