Ҳа, хақиқатдан ҳам 2018 йил 1 июлдан бошлаб ташқи иқтисодий фаолият иштирокчилари божхона брокерларига мурожаат қилмасдан божхона юк декларацияларини (кейинчалик- БЮД) Интернет тармоғи орқали реал вақт режимида тўлдириш ва божхона органларига тақдим этиш ҳуқуқига эга бўлишади (Президентнинг 12.04.2018й. ПФ-5414-сонли фармонининг 4-б. 5-қ., кейинги ўринларда - Фармон).
Аммо, хозирги кунда Фармонда кўзда тутилган нормаларни амалга оширадиган механизм мавжуд эмас. Бу масала бўйича, тегишли хужжатлар тасдиқланганидан ёки ҳозирги вақтда мавжуд бўлган норматив-ҳуқуқий ҳужжатларга тегишли қўшимча ва ўзгартиришлар киритилганидан сўнг, ташқи иқтисодий фаолият иштирокчиларидан қандай шартлар талаб қилиниши масаласига аниқлик киритилиши мумкин.
Ушбу масала бўйича тегишли ҳуқуқий хужжатлар қонуний кучга киргунига қадар, БЮДни божхона декларанти, яъни – мутахассиси иштирокисиз расмийлаштириш имконияти йўқ. Сабаби, фақатгина мутахассис, декларант ва божхона брокерлари номидан БЮДни ҳам электрон, ҳам қоғоз шаклида божхона органларига топширишга ваколатлидир (31.12.2014 й. 376-сонли ВМҚ Иловасининг 4-б. 3-хатб., 10-б. «б» к.б., 10-б., 11,12,15-бандлар, 29.02.2016 й. ДБҚ Қарорига Иловасининг 1-б. 3-4-хатб.).
Жавоблар улар эълон қилинган санада долзарб ҳисобланади.