Иш берувчи ўзининг молиявий ҳолатидан қатъи назар, ходимга бажарган иши учун ҳақни белгиланган меҳнат ҳақи шартларига мувофиқ МКнинг 161-моддасида белгиланган муддатларда тўлаши шарт (МКнинг 154-м.).
Меҳнатга ҳақ тўлаш вақтбай ёки ишбай бўлиши мумкин. 10969 ID – рақамли саволдан ходимнинг иши вақтбай эканлиги англашилган эди. Шунинг учун, белигилан вақт нормаси давомида ходим иш жойида бўлиши ва меҳнат вазифаларини бажариши имконияти бўлмаса, меҳнат шартномасини бекор қилиниши кераклиги ҳақидаги хулоса келиб чикди.
Агар ходимнинг иши меҳнатга ҳақ тўлашнинг ишбай шаклига асосланса, ходимга ҳақ бажарган иши натижасига кўра тўланиши мумкин. Яъни ходим иш жойида бўлмаса ҳам меҳнат вазифаларини бажаради, ва натижаларини иш берувчига топширади. Ходимнинг меҳнатини ишбай тизим асосида ҳақ тўлаш у билан тузилган меҳнат шартномасида албатта акс эттирилиши керак. Бундан ташқари, корхонангизда ишбай шакл асосида ҳақ тўлаш тўғрисида локал ҳужжат (низом, тартиб ва ҳ.) ишлаб чиқилиши мақсадга мувофиқ бўлади. Зеро, меҳнат ҳақи шакли ва тизимлари, мукофотлар, қўшимча тўловлар, устамалар, рағбатлантириш тарзидаги тўловлар жамоа шартномаларида, шунингдек иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишиб қабул қилинадиган бошқа локал ҳужжатларда белгиланади (МКнинг 153-м.)
Жавоблар улар эълон қилинган санада долзарб ҳисобланади.