Саволнинг ID си: 13249
Эркин иқтисодий зона иштирокчиси чет эллик етказиб берувчи билан асбоб-ускуналар етказиб бериш бўйича импорт шартномаси имзолаган. Ушбу импорт шартномаси учун 100 фоиз банк кредити шартномаси имзоланган ва 15 фоиз олдиндан тўлов амалга оширилган (01.10.2018 йил). Лекин кейинги 85 фоизлик кредитнинг ҳужжатлаштириш жараёни кечикканлиги сабабли, асбоб-ускуналарнинг келиши дастлабки 15 фоиз тўлов амалга оширилгандан кейин 120 кун давомида (ЎзР ВМнинг №245-сонли қарори 4-банди) етиб келмаган.
Ушбу ҳолат ҳудудий ДСИ томонидан молиявий жарима қўллашга асос бўла оладими?
Экспертларнинг жавоблари:
Жарима қўллашга 30.09.2003й. 416-сонли ВМ қарори асос бўлади.
Импорт шартномалари бўйича товарларни олиб кириш муддати тўлов амалга оширилган кундан бошлаб 180 календарь кундан ортиқ бўлмаслиги керак (30.09.2003 й. ВМ 416-сон қарорига 1-Илованинг 13-б.).
Tоварларни республикага олиб кириш ва расмийлаштиришни 30 банк кунидан ортиқ таъминламаган йирик импорт қилувчиларга (кичик бизнес ва хусусий тадбиркорлик субъектлари учун - 60 банк куни) белгиланган муддат тамом бўлгандан кейин молиявий санкциялар қўлланилади (Низом 17-б.).
Сизнинг ҳолатингизда контракт бўйича тўлов тўлиқ амалга оширилган вақтни аниқлашингизни ва шундан келиб чиққан ҳолда товарларни келиш муддатини ҳисоблаб, ДСИга маълумот беришингизни тавсия қиламиз.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 