Давал хом ашёси асосида ишлаб чиқарилган маҳсулот буюртмачининг шахсий ишлаб чиқарган махсулоти ҳисобланади.
Сизнинг заводингизга биржа оркали сотиб олинган буғдой маҳсулотлари давал хом ашё сифатида берилганда қайта ишлаш ва маҳсулот олиш учун хом ашёни бериш операциялари хом ашё берувчининг бухгалтерия ҳисобида қуйидагича акс эттирилади:
Хўжалик операциясининг мазмуни
| Дебет
| Кредит
|
Қайта ишлашга материаллар берилди
| 1070-"Четга қайта ишлаш учун берилган материаллар"
| 1010-"Хом ашё ва материаллар"
|
Қайта ишловчига аванс ўтказилди
| 4310-"ТМБ учун мол етказиб берувчилар ва пудратчиларга берилган аванслар"
| 5110-"Ҳисоб-китоб счёти"
|
Қайта ишлашга берилган материаллар қиймати тайёр маҳсулот ишлаб чиқариш харажатларига ҳисобдан чиқарилди
| 2010-"Асосий ишлаб чиқариш"
| 1070-"Четга қайта ишлаш учун берилган материаллар"
|
Қайта ишлаш бўйича бажарилган ишлар, хизматлар қиймати ҳисобдан чиқарилди
| 2010-"Асосий ишлаб чиқариш"
| 6010-"Мол етказиб берувчилар ва пудратчиларга тўланадиган счётлар"
|
Қайта ишлаш бўйича ишлар, хизматлар қийматидан ҚҚС ҳисобга олингани акс эттирилди (ҚҚС тўловчилар учун)
| 4410-"Бюджетга солиқлар ва бошқа мажбурий тўловлар бўйича аванс тўловлари (турлари бўйича)" 6410-"Бюджетга тўловлар бўйича қарз (турлари бўйича)" | 6010-"Мол етказиб берувчилар ва пудратчиларга тўланадиган счётлар" 4410-"Бюджетга солиқлар ва бошқа мажбурий тўловлар бўйича аванс тўловлари (турлари бўйича)"
|
Илгари қайта ишловчига берилган аванслар ҳисобга олингани акс эттирилди
| 6010-"Мол етказиб берувчилар ва пудратчиларга тўланадиган счётлар" 6990-"Бошқа мажбуриятлар" ва б.
| 4310-"ТМБ учун мол етказиб берувчилар ва пудратчиларга берилган аванслар"
|
Қайта ишловчи олдидаги қарз сўндирилди
| 6010-"Мол етказиб берувчилар ва пудратчиларга тўланадиган счётлар" 6990-"Бошқа мажбуриятлар" ва б.
| 5110-"Ҳисоб-китоб счёти"
|
Қайта ишлашдан кейин қайтарилган (тўлиқ фойдаланилмаган) материаллар кирим қилинди
| 1010-"Хом ашё ва материаллар"
| 1070-"Четга қайта ишлаш учун берилган материаллар"
|
Ишлаб чиқариш цикли якунланганидан кейин тайёр маҳсулот кирим қилинди
| 2810-"Омбордаги тайёр маҳсулотлар"
| 2010-"Асосий ишлаб чиқариш"
|
Давал хом ашёсидан маҳсулот ишлаб чиқарувчи корхона қайта ишловга олинган хом ашё ва материаллар ҳисобини балансдан ташқари 003 счётда олиб боради.
Маҳсулот ишлаб чиқаришда Сиз давал хом ашёсини ишлатлатгансиз, яъни қайта ишлаш билан шуғуллангансиз. Бундай фаолият тури Сиз учун ишлаб чиқариш хизматлари кўрсатиш фаолиятига киради. Буюртма берувчи учун эса шахсан ўзи ишлаб чиқарган маҳсулот ҳисобланади.
Давал хом ашёсини топшириб маҳсулотини экспортга реализация қилган хўжалик юритувчи субъект қайси тартибдаги солиқ тўловида бўлса, ушбу тартибда белгиланган солиқ ставкаси бўйича солиқларни тўлаб боради.
Товарларни чет эл валютасида экспортга реализация қилиш оборотига ноль даражали ставка бўйича ҚҚС солинади (СКнинг 212-моддаси).
Махсулот экспорт қилувчиларга фойда солиғи ва ЯСТ бўйича солиқ солинадиган базани камайтириш тарзидаги имтиёз берилган (29.11.2018 йилдаги ПФ-5587).
Жавоблар улар эълон қилинган санада долзарб ҳисобланади.
Телеграм канали 