Устав фондини ошириш мақсадида киритилган суммани беғараз ёрдам сифатида корхона фойдасига ўтказиш
Саволнинг ID си: 18386
Хусусий корхона умумбелгиланган солиқлар тўлайди. 2019 йил давомида мулкдор томонидан устав фондини ошириш мақсадида 25 млн. сўм маблағ киритилган. Ҳозирда мулкдор ушбу суммани устав фондини оширишга эмас, балки корхонанинг жамғарилган зарар суммасини қоплаш мақсадида корхонага беғараз ёрдам сифатида бериб юбормоқчи.
1. Устав фондини ошириш мақсадида киритилган суммани беғараз ёрдам сифатида корхона фойдасига расмийлаштириш қандай амалга оширилади?
2. Корхона томонидан олинган ушбу даромад бўйича ҚҚС қандай ҳисобланади?
3. Қандай бухгалтерия ўтказмаси берилади? Ҳозирда ушбу маблағ 6630 счётининг кредитида акс эттирилган.
Экспертларнинг жавоблари:
- Устав фондини ошириш мақсадида киритилган суммани беғараз ёрдам сифатида корхона фойдасига ўтказиш хусусий корхона мулкдорининг бу ҳақдаги қарорига асосан расмийлаштирилади.
- ҚҚС бўйича солиқ солиш объекти бўлиб товар (хизмат)ларни реализация қилиш обороти ҳисобланади (СК 238-моддаси 1-қисми 1-банди). Бу вазиятда бундай оборот мавжуд эмас, ҚҚС ҳисобланмайди.
- Устав фондини ошириш мақсадида киритилган суммани беғараз ёрдам сифатида корхона фойдасига ўтказишда қуйидагича бухгалтерия ўтказмаси берилади:
Дт 6630 «Устав капиталини кўпайтириш бўйича муассисларнинг улушлари»
Кт 9380 «Текин қайтарилмайдиган молиявий ёрдам».
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 