1.Ҳа, корхона 2020 йилда ПФ-5996 ва ПФ-6029да белгиланган солиқ имтиёзларидан фойдаланиш ҳуқуқига эга бўлган бўлсаю, фойдаланмаганлиги маълум бўлганида, аниқлаштирилган солиқ ҳисоб-китобларини тақдим этиш орқали фойдаланиши мумкин.

Кичик тадбиркорлик субъектлари 2020 йил 1 июндан 31 декабрга қадар мол-мулк солиғи ва ер солиғини тўлашдан озод этилган эдилар (18.05.2020 йилдаги №ПФ-5996 1-банди, 20.07.2020 йилдаги №ПФ-6029 7-банди «а»-кичик банди). Корхона ушбу имтиёзлардан аниқлаштирилган ҳисобот тақдим этган ҳолда фойдаланиши мумкин.

2.2020 йил 1 майдан 31 декабрга қадар микрофирма ва кичик корхоналар учун ижтимоий солиқ ставкаси 12 фоиздан 1 фоизга пасайтирилди. Лекин акцизости маҳсулотлар ишлаб чиқарувчилар бундан мустасно эдилар (18.05.2020 йилдаги №ПФ-5996 4-банди, 20.07.2020 йилдаги №ПФ-6029 7-банди «б»-кичик банди).

Демак, агар корхонангиз акцизости маҳсулотларни ишлаб чиқарувчи ҳисобланса, ушбу имтиёздан фойдаланишга ҳақли эмас эди. Агар акциз солиғи солинадиган товарни сотувчи ҳисобланса, у ҳолда фойдаланиши мумкин эди.

3.Сиқилган газни якуний истеъмолчига реализация қилувчи корхонанинг ушбу фаолияти чакана савдо ёки ишлаб чиқариш деб тан олиниши айнан фаолият жараёнидан келиб чиққан ҳолда статистика органлари орқали аниқлаштирилади ва ИФУТ коди берилади. Агар ИФУТ коди нотўғри белгиланган бўлса, уни ўзгартириш ҳам статистика органлари ваколатида.