А жамияти Тожикистон Республикасида рўйхатдан ўтган компания билан пудрат шартномасини имзолади, шартнома валютаси АҚШ долларида. Қурилишда керак бўлган материалларни қаердан ҳамда қайси компаниядан олиниши пудрат шартномасида белгиланган. Пудратчининг республика ҳудудида доимий муассасаси рўйхатдан ўтгунига қадар пудрат шартномасига асосан, пудратчи топшириғига кўра қурилиш материалари А жамияти номига келади. Импорт қурилиш материалларини А жамияти аввал ишлаб чиқарувчи нархи асосида ИМ74 режимига расмийлаштирди. Кейинроқ божхона ҳудудида импорт материалларни сақлаш харажатларини оптималлаштириш мақсадида импорт асбоб-ускуналар ИМ 40 режимига расмийлаштирилди, бунинг учун эса пудратчи ушбу импорт асбоб-ускуналарга А жамиятига инвойс берди. Инвойс(счёт-справка)да эса ишлаб чиқарувчи нархидан юқорироқ бўлган пудрат шартномасидаги нархи кўрсатилган ва у ИМ 40 режимидаги БЮДда акс эттирилган. Бугунги кунда ушбу нарх фарқига солиқ органлари эътироз билдиришмоқда.