Юридик шахс томонидан Вазирлар Маҳкамасининг 2024 йил 28 октябрдаги 710-сонли қарорига асосан оғирлик ва габарит назорати бўйича стационар шохобча ўрнатиш учун электрон онлайн савдолари орқали ер участкаси (автомобиль йўлининг бир қисми) йигирма йилга ижара асосида ва бошқа тадбиркорлик субъектига ўтказиш ҳуқуқи билан олинди. Оғирлик ва габарит назорати бўйича стационар шохобчани қуриб ишга туширишда зарур бўлган аниқ ўлчаш учун мўлжалланган ускуналар четдан олиб келиниши сабабли чет эллик таъсисчи иштирокида янги МЧЖ шаклидаги қўшма корхона рўйхатдан ўтказилди. Шохобчани қуриб ишга тушириш вазифаси мазкур қўшма корхонага юклатилди.