Тадбиркорлик фаолиятини амалга ошираётган пудратчи маиший пудрат шартномаси бўйича буюртмачи-фуқаронинг топшириғи билан унинг маиший ёхуд бошқа шахсий эҳтиёжларини қондиришга қаратилган маълум ишларни бажариш мажбуриятини, буюртмачи эса ишни қабул қилиш ва ҳақини тўлаш мажбуриятини олади (ЎзР ФК 656-моддаси).

Умумбелгиланган солиқларни тўлаш  тизимига ўтилган вақтдан бошлаб, агарда солиқдан озод этиладиган товарларни (ишларни, хизматларни) реализация қилиш оборотига эга бўлмасангиз, Сизнинг ташкилотингиз ЎзР Солиқ кодексининг 23-моддасига мувофиқ солиқлар ва бошқа мажбурий тўловларни тўлаши шарт бўлади. Ушбу мажбурий солиқлардан бири қўшилган қиймат солиғидир. ҚҚСни ҳисоблаб чиқариш ва тўлаш қоидалари Солиқ кодексининг VII бўлими, 197-228 моддаларида кўрсатилган.

Солиқ кодексининг 222-моддасига асосан ишлар (хизматлар) ҳисобварақ-фактурада мавжуд барча маълумотлар, яъни Солиқ кодексининг мазкур моддаси биринчи қисмида кўрсатилган барча маълумотлар бўлган тақдирда ҳақиқатда мазкур ишлар бажарилганлигини (хизматлар кўрсатилганлигини) тасдиқловчи ҳужжатлар билан  расмийлаштирилганда, улар ҳисобварақ-фактура ўрнини босадиган ҳужжатлар деб ҳисобланади.

Бинобарин, Сиз буюртмачига бажарилган маиший пудрат ишлари бўйича ҳисобварақ-фактура тақдим этишингиз ёхуд ҳисобварақ-фактурада мавжуд  барча маълумотлар билан бажарилган ишлар далолатномасини тузишингиз шарт.  Бунда қўшилган қиймат солиғи солинадиган товарлар (ишлар, хизматлар) етказиб берилганда, бажарилган ишлар далолатномасида қўшилган қиймат солиғи суммаси мажбурий тартибда ажратиб кўрсатилиши керак.