Ўзбекистон Республикаси Вазирлар Маҳкамасининг 19.06.2015 й. 164-сон “Хизматчиларнинг асосий лавозимлари ва ишчилар касбларининг янгиланган классификаторини тасдиқлаш тўғрисида”ги Қарорининг 2-банди иккинчи хатбошида Классификатор ишга қабул қилишда ходимлар маълумотининг энг паст даражаси, ишчилар касблари бўйича тариф разрядларини белгилаш юзасидан - Ўзбекистон Республикаси Президенти ва Вазирлар Маҳкамасининг қарорлари билан ташкил этилган давлат корхоналари, муассасалари ва ташкилотларида (кейинги ўринларда ташкилотлар деб аталади), хўжалик бошқаруви органларида, шунингдек устав капиталида давлат улуши 50 фоиздан ортиқ бўлган ташкилотларда қўлланилиши мажбурий ҳисобланиши белгиланган. Сизнинг ташкилот давлат унитар корхонаси эканлигина эътиборга олиб, Сиз юқорида кўрсатилган қарор талабларига риоя қилишга мажбурсиз.
Меҳнат кодексининг 100-моддаси иккинчи қисми 2-бандига мувофиқ, меҳнат шартномасини иш берувчининг ташаббуси билан бекор қилиш асосларидан бири, ходимнинг малакаси етарли бўлмаганлиги сабали ёки соғлиғи ҳолатига кўра бажараётган ишига нолойиқ бўлиб қолиши ҳисобланадди. Шунга кўра агар ходимнинг маълумоти у эгаллаб турган лавозим учун Классификатор бўйича маълумотнинг энг паст даражасига мувофиқ келмаса, иш берувчи меҳнат шартномасини бекор қилишга ҳақли.
Маъмурий жавобгарлик тўғрисидаги кодекснинг 49-моддасига биноан мансабдор шахс томонидан меҳнат ва меҳнатни муҳофаза қилиш тўғрисидаги қонун ҳужжатларининг бузилиши, энг кам иш ҳақининг икки бараваридан беш бараваригача миқдорда жарима солишга сабаб бўлади.
Жавоблар улар эълон қилинган санада долзарб ҳисобланади.