1. Белгиланган ҳисоботларни ўз вақтида тақдим этмаслик учун жазо чоралари корхонанинг мансабдор шахсларига нисбатан қўлланилади. Корхонага нисбатан молиявий жарималар қўлланилмайди.
Солиқ кодекснинг 115 моддасига мувофиқ солиқ ҳисоботини ўз вақтида тақдим этмаганлик учун солиқ тўловчи - юридик шахснинг мансабдор шахси МЖтК 175-моддасида кўзда тутилган маъмурий жавобгарликка тортилади.
Ушбу моддага асосан бюджетга ва бюджетдан ташқари фондларга солиқларни, бошқа мажбурий тўловларни ҳисоблаб чиқариш ва тўлаш учун зарур бўлган солиқ ҳисоботларини, ҳисоб-китобларини ҳамда бошқа ҳужжатларни тақдим этмаслик, ўз вақтида тақдим этмаслик - энг кам иш ҳақининг бир бараваридан уч бараваригача миқдорда жарима солишга сабаб бўлади. Худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса - энг кам иш ҳақининг уч бараваридан ўн бараваригача миқдорда жарима солинади.
1463-сонли Низомда кўзда тутилган ҳисоботлар, ушбу низомнинг 14 бандида белгиланган муддатларда, яъни ҳар йили йиллик молиявий ҳисоботга қўшиб давлат солиқ хизмати органларига 1-сон иловага биноан шаклда тақдим қилинади.
Низомнинг 16 бандига асосан хўжалик юритувчи субъектлар ҳисоб-китоблар тўғри бўлиши ва ўз вақтида тақдим этилиши учун жавобгар бўлади.
2. Ўзбекистон Республикаси Президентининг 28.01.2009 йилдаги «Маҳаллий ноозиқ-овқат истеъмол товарлари ишлаб чиқариш кенгайтирилишини рағбатлантириш борасидаги қўшимча чора-тадбирлар тўғрисидаги» ПҚ-1050-сонли қарорига асосан ноозиқ-овқат истеъмол товарлари ишлаб чиқаришга ихтисослашган микрофирмалар ва кичик корхоналар учун солиқ имтиёзлари, бўшайдиган маблағларни мақсадли сарфлаш, хусусан янги ишлаб чиқаришларни барпо этишга, шунингдек фаолият кўрсатаётган корхоналарни модернизациялаш, техник ва технологик жиҳатдан қайта жиҳозлашга, ноозиқ-овқат истеъмол товарлари ишлаб чиқаришда зарур бўладиган хом ашё ва материаллар харид қилишга, киритилган инвестицияларни қоплаш, жумладан кредитларни тўлашга йўналтириш шарти билан берилган.
Қарорда кўзда тутилган божхона тўловлари бўйича имтиёзларни қўллаш натижасида бўшайдиган маблағларни мақсадга мувофиқ сарфланиши белгиланмаган.
1463-сонли Низомнинг 1-иловасида фақат мақсадли имтиёзлар суммаси ва улардан фойдаланиш тўғрисидаги маълумотлар акс эттирилади. Мақсадга мувофиқ сарфланиши белгиланмаган имтиёзлар ҳақидаги маълумотлар ушбу ҳисоботга киритилмайди.
Сизнинг мисолингиз асосида ЯСТ бўйича имтиёзларни қўллаш натижасида бўшаётган маблағларни сарфланиши ҳақидаги маълумотларни 1463-сонли Низомнинг 1-иловасида қуйидагича акс эттиришимиз мумкин:
N | Тўловларнинг номи
| Суммаси | Асос, имтиёзли давр |
1 | Ягона солиқ тўлови | 10 000 000
| Ўзбекистон Республикаси Президентининг 28.01.2009 йилдаги «Маҳаллий ноозиқ-овқат истеъмол товарлари ишлаб чиқариш кенгайтирилишини рағбатлантириш борасидаги қўшимча чора-тадбирлар тўғрисидаги» ПҚ-1050-сонли қарори 3-банди Имтиёз даври – 01.01.2018й гача. |
2 |
|
|
|
| Жами суммага | 10 000 000 |
|
| Белгиланган мақсадларга йўналтирилган маблағлар, жами | 10 000 000 |
|
| жумладан, қуйидаги мақсадларга: |
|
|
| ноозиқ-овқат истеъмол товарлари ишлаб чиқаришда зарур бўладиган хом ашё ва материаллар харид қилишга | 10 000 000 | Ўзбекистон Республикаси Президентининг 28.01.2009 йилдаги «Маҳаллий ноозиқ-овқат истеъмол товарлари ишлаб чиқариш кенгайтирилишини рағбатлантириш борасидаги қўшимча чора-тадбирлар тўғрисидаги» ПҚ-1050-сонли қарори 4-банди Имтиёз даври – 01.01.2018й гача. |
3. Ноозиқ-овқат истеъмол товарларини ишлаб чиқаришга ихтисослашган корхоналар томонидан солиқ ва божхона имтиёзларини қўллаш тартиби тўғрисида Низомнинг 7-бандига асосан (АВ рўй. №1932 31.03.2009й), имтиёз берилган ноозиқ-овқат истеъмол товарларини ишлаб чиқаришга ҳақиқатда ихтисослашганлигини тасдиқлаш учун имтиёзлардан фойдаланган корхоналар йил якунлари бўйича солиқ ҳисоботи билан бирга давлат солиқ хизмати органларига ушбу Низомнинг 3-иловасида келтирилган шаклга мувофиқ Маълумотнома ҳисоб-китобни тақдим этадилар.
Жавоблар улар эълон қилинган санада долзарб ҳисобланади.
Телеграм канали 