Меҳнат кодексининг 31-моддасида аввалги жамоа шартномаси амал қилиш муддати тугашига қадар уч ой мобайнида ёки бу ҳужжатлар билан белгилаб қўйилган муддатда ҳар қайси тараф бошқа тарафга янги жамоа шартномасини, келишувини тузиш юзасидан музокаралар бошлаш тўғрисида ёзма хабар беришга ҳақли эканлиги белгиланган.

Шу билан бирга ушбу кодекснинг 41-моддасида жамоа шартномаси имзоланган вақтдан эътиборан ёки жамоа шартномасида кўрсатилган кундан бошлаб кучга кириши ҳамда тарафлар белгилаган муддат давомида амал қилиши назарда тутилган. Шунингдек белгиланган муддат тугагач, жамоа шартномаси тарафлар янги шартнома тузгунча ёки амалдаги шартномани ўзгартиргунча, тўлдиргунча амалда бўлиши ўрнатиб қўйилган.

Юқоридагилардан келиб чиқадики, жамоа шартномасини амал қилиш муддати тугагач уч ой мобайнида ҳар қайси тараф бошқа тарафга янги жамоа шартномасини тузиш юзасидан музокаралар бошлаш тўғрисида ёзма хабар бериш тарафларнинг ҳуқуқи сифатида белгиланган. Шунинг учун тарафлар янги шартнома тузиш ёки тузмасликни ўзлари ҳал қилишлари жоиз. Агарда янги шартнома тузмаган тақдирда амалдаги шартнома ўз кучида қолади.