Ташқи иқтисодий фаолиятининг товар номенклатурасини (2012 йилги версия) талқин этиш Асосий қоидалари 5-банднинг «б» кичик бандига кўра, ичидаги товарлари билан бирга етказиб бериладиган ўров материаллари ва идишлар, агар улар одатда айнан шундай товарларни ўраш учун ишлатиладиган турда бўлса, биргаликда таснифланиши керак. Бироқ, бундай материал ва идишлар қайта ишлатишга яроқли бўлган тақдирда, мазкур қоида мажбурий ҳисобланмайди.
Айтишингизча, корхонангиз импорт қилаётган ип маҳсулотлари махсус ўрамга (қоғозли бобинага) жойлаштирилган (ўралган); ип маҳсулотларидан бўшатилгач, бобина қоғоз чиқиндисига айланади ва қайта ишлатиш учун яроқли бўлмай қолади. Шуни ҳисобга олиб, божхона расмийлаштируви бўйича мутахассис бирга етказиб берилган бобинани ҳамда унга ўралган ип маҳсулотларини алоҳида-алоҳида эмас, балки биргаликда таснифлаши шарт.
Яъни, бобина алоҳида таснифланиши ва ундан божхона тўловлари ҳисобланиши шарт эмас. Шу боис, унга алоҳида божхона тўловлари ҳисобланиши нотўғри бўлади.
Жавоблар улар эълон қилинган санада долзарб ҳисобланади.