Лизинг шартномаси асосида корхона хисобига кирим килинган асосий воситалар янги технологик жиҳоз бўлса, шунигдек янги технологик жиҳоз фойдаланишга топширилган пайтдан эътиборан беш йил ўтиб кетмаган бўлса, ҳамда бу технологик жиҳозни қўшимча лизингга (сублизинг) бермаган бўлса, АВ томонидан 2007 йил 11 июнда 1688-сон билан рўйхатга олинган Низомда белгиланган имтиёзларга, хусусан ягона солиқ тўлови бўйича солиқ солинадиган база янги технологик асбоб-ускуналар олишга йўналтирилган маблағлар суммасига, лекин солиқ солинадиган базанинг кўпи билан 25 фоизига камайтирилади.

Бироқ лизинг объекти қўшимча лизингга берилса, қўшимча лизингга берувчига нисбатан юридик шахслардан олинадиган фойда солиғи, ягона солиқ тўлови ва мол-мулк солиғи бўйича назарда тутилган имтиёзлар татбиқ этилмайди. Бу ҳолатда ягона солиқ тўлови бўйича имтиёзлар қўшимча лизингга олувчига тааллуқли бўлади.

Шунингдек, алоҳида таъкидлаш жоизки, мазкур имтиёз Технологик жиҳозлар харид (импорт) қилинган пайтдан бошлаб уч йил ичида сотиб юборилган ёки текинга берилган бўлса, юридик шахслардан олинадиган фойда солиғи, ягона солиқ тўлови ва мол-мулк солиғи бўйича имтиёзлар бекор қилинади ва қонунчиликда белгиланган тартибда уларни тўлаш бўйича мажбуриятлар тикланади (АВ томонидан 2007 йил 11 июнда 1688-сонли Низомнинг 21-банди).