1. Директорни - менежер лавозимига ўтиши юзасидан:

Директор корхона мулки эгаси қарори асосида ишдан бўшатилади, бу корхона буйруғи билан расмийлаштирилади..

Буйруқ меҳнат шартномасини бекор қилиш асосларига тўла мувофиқ ҳолда ёзилиб, Меҳнат кодексининг тегишли моддаси(банди) далил қилиб кўрсатилади.  

Ходим (собиқ директор) менежер лавозимига кейинги иш кунидан иш берувчи - корхона раҳбари (Директор)ни буйруғи билан расмийлаштирилиши мумкин. Буйруқ чиқариш учун ходим билан тузилган меҳнат шартномаси асос бўлади.

2. Менежерни – Директор лавозимига ўтиши юзасидан.

Умумий қоидага кўра, корхона раҳбари (Директор)ни ишга қабул қилиш корхона мулки эгасининг ҳуқуқи бўлиб, бу ҳуқуқни у бевосита, шунингдек ўзи вакил қилган органлар орқали ёки корхонани бошқариш ҳуқуқи берилган корхона кенгаши, бошқаруви ёхуд бошқа органлар орқали амалга оширади (МКнинг 82-моддаси 2-қисми).

Демак, менежер бошқа ишга ўтиши муносабати билан ишдан ўз хохишига кўра бўшатилади (МКнинг 99-моддаси). Корхона буйруғини чиқариш учун ходимнинг аризаси асос бўлади.

Директор лавозимига кейинги иш кунидан корхона мулки эгаси қарори асосида лавозимга тайинланади. Директор бу ҳақда барча тегишли хужжатларда биринчи имзо қўйиш ҳуқуқи билан, корхонанинг штат жадвалига мувофиқ корхона рахбари (Директори) вазифасини бажаришга киришганлигини буйруқ билан ўзига расмийлаштиради.

Корхона буйруғини чиқариш учун корхона мулки эгаси қарори хамда корхона мулки эгаси ва ходим(Директор) билан тузилган меҳнат шартномаси асос бўлади.