Дарҳақиқат, ЎзР Президентининг ПҚ-1438-сонли Қарори билан, тижорат банклари ихтиёрига ўтган банкрот-корхоналарнинг мулки негизида ташкил этилган хўжалик субъектлари стратегик инвесторларга сотилган вақтдан бошлаб уч йил мобайнида ЎзР Президентининг 2008 йил 19 ноябрдаги Ф-4010-сонли 2-бандида назарда тутилган солиқ имтиёзларидан фойдаланиши мумкинлиги белгиланган.

Мазкур нормани қўллашда қуйидаги шартларга риоя қилиниши, яъни:

1. Сотилаётган корхона айнан банк ихтиёрига ўтган банкрот-корхона негизида ташкил этилган бўлиши;

2. Корхона стратегик инвесторга сотилган бўлиши лозим.

Ҳақини бўлиб-бўлиб тўлаш шарти билан товарни насияга сотиш шартномасида олди-сотди шартномасининг бошқа муҳим шартлари билан бир қаторда товар баҳоси, тўловларнинг тартиби, муддатлари ва миқдори кўрсатилган бўлса, бундай шартнома тузилган ҳисобланади (ФКнинг 422-м. 2-қ.).

Демак, юқоридаги шартларга риоя қилинган ҳолда тузилган шартнома орқали сотилган корхона, мазкур олди-сотди шартномаси тузилиш пайтидан имтиёзни қўллаши мумкин деб ҳисоблаймиз.