1.Касса ишини ташкил этишнинг барча меъёрлари, касса ҳужжатларини расмийлаштириш, нақд пулни қабул қилиш ва бериш тартиби Юридик шахслар томонидан касса операцияларини амалга ошириш қоидаларида (АВ 22.06.2015й. 2687-сон) акс эттирилган.
Аҳоли билан пуллик ҳисоб-китобларни амалга оширувчи корхоналар мажбурий тарзда фискал хотирали назорат касса машинасидан (НКМ) фойдаланади (ВМ 17.11.2011 й. 306-сон Қарори).
Агар корхонангиз фаолияти аҳоли билан ҳисоб-китоб қилишга алоқадор бўлмаса, НКМни қўллашингиз керак эмас.
Корхона НКМга эга бўлмаганда асосий воситасини нақд пулга сотганда уларни корхонага касса кирим ордери бўйича қабул қилади (Қоиданинг13-банди). Касса кирим ордери бош бухгалтер ва кассир томонидан имзоланади, кассир муҳри (штампи) билан тасдиқланади.
Нақд пул маблағлари корхона кассасига кирим қилинган куннинг ўзида хизмат кўрсатувчи банкга топширилиши лозим.
Корхонада ушбу суммага касса чиқим ордери тузилади. Ташкилотнинг нақд пулдаги барча тушум ва чиқимлари касса ордерлари асосида касса дафтарида ҳисобга олинади. Касса дафтарини юритиш тартиби Қоидаларнинг (АВ 22.06.2015й. 2687-сон) 3-бобига мувофиқ амалга оширилади.
Нақд пулларни корхона ўз банк ҳисобварақларига кирим қилиш учун белгиланган шаклдаги (001-шакл) нақд пул қўйиш эълони (ушбу хужжат банк кассасида расмийлаштирилади) асосида банкка топширади (АВ томонидан 27.06.2008 й. 1831-сон билан рўйхатга олинган Йўриқноманинг 70-банди).
2.Асосий воситаларни сотишда бериладиган бухгалтерия ўтказмалари Асосий воситалар қийматини балансдан чиқариш тартиби тўғрисидаги Низомнинг (АВ 29.08.2004 й. 1401-сон билан рўйхатга олинган) 27-бандида келтирилган.
Бухгалтерия ўтказмалари ҳақдаги маълумотларни қуйидаги ссылка бўйича ўтиб танишиб чиқишингиз мумкин: http://kadrovik.uz/question/5673
Жавоблар улар эълон қилинган санада долзарб ҳисобланади.