Акционерлик жамиятларида сотилаётган мол-мулкнинг баланс қиймати жамият соф активлари миқдорининг 15 фоизидан ортиғини ташкил этса, йирик битим деб ҳисобланади, ва улар жамият акциядорларининг умумий йиғилиши ёки кузатув кенгаши ушбу битим бўйича қарор қабул қилганидан кейин жамиятнинг ижроия органи томонидан амалга оширилади (“Акциядорлик жамиятлари ва акциядорларнинг ҳуқуқларини ҳимоя қилиш тўғрисида”ги Қонуннинг 83, 84-моддалари).

Қолган ҳолатларда жамият ижроия органлари мустақил равишда хўжалик фаолиятини юритиш юзасидан қарор қабул қилишга ҳақлилар.

Фойдаланишда бўлган инвентарь ва хўжалик анжомларини бошқа корхонага сотиш учун, уларни балансга бошқа операцион даромад сифатида сотишнинг соф қиймати бўйича материаллар счетига кирим қилиш зарур. Сўнгра уларнинг реализациясини бошқа активларнинг чиқиб кетишини акс эттириш тартибида бухгалтерияда кўрсатиш мумкин.