Саволингиздаги биринчи ҳолатда мактабда хўжалик ишлари бўйича директор муовини штати бор ёки йўқлигини кўрсатмагансиз.

Агар мактабда шундай лавозим мавжуд бўлса, у ҳолда электрик ва қоровул директорга эмас, балки хўжалик ишлари бўйича директор муовинига бўйсуниб унинг назорати остида бўлади.

Шу тариқа, МКнинг 79-моддасида белгиланган ўзаро яқин қариндошларнинг бир давлат ташкилотида бирга хизмат қилишга доир чекловлар уларга нисабатан татбиқ этилмайди.

Бевосита бўйсуниб ёки унинг назорати остида хизмат қилиш деганда ташкилот ёки унинг бўлинмаси раҳбарига тўғридан-тўғри бўйсуниш ҳамда бевосита улардан бирининг қўл остида бўлиши тушунилади.

Сиз келтирган мисолда ҳам ходимнинг ташкилот раҳбарига тўғридан-тўғри бўйсуниши ҳолати мавжуд эмас. Чунки бухгалтерия бўлими ташкилотнинг мустақил бўлинмаси ҳисобланиб унда хизмат қилаётган ходимлар бевосита бўлим бошлиғига бўйсунади ва унинг назорати остида бўлади.

Фикримизча, бу ҳолатда ҳам ўзаро яқин қариндош бўлган шахсларнинг бир ташкилотда меҳнат қилишлари учун монелик йўқ.