Корхонанинг ўз ходимлари учун моддий ёрдам тариқасида қишлоқ хўжалиги маҳсулотларини сотиб олиб бериши улгуржи савдо фаолияти сифатида баҳоланмайди. Олинган маҳсулотлар бухгалтерияда 9220 «Бошқа активларнинг чиқиб кетиши» счети орқали акс эттирилади.

Солиқ кодекси савдо фаолияти сифатида қайта сотиш мақсадида олинган товарларни сотишга доир фаолиятни назарда тутади (СКнинг 22-моддаси). Улгуржи савдо - тижорат мақсадларида ёки ўз ишлаб чиқариш-хўжалик эҳтиёжлари учун фойдаланиш учун ҳисоб-китобларнинг нақдсиз шаклида харид қилинадиган товарларни сотиш ҳисобланади (ЎзР ВМ 26.11.2002 й. 407-сон қарорига илова).

Корхонанинг қишлоқ хўжалиги маҳсулотларини қайта сотиш мақсадида эмас, балки ўз ходимлари учун моддий ёрдам тариқасида сотиб олиб бериши юқоридаги улгуржи савдо нормаларига жавоб бермайди ва ушбу операция савдо фаолияти сифатида қаралмайди.

Ходимлар учун моддий ёрдам тариқасида қишлоқ хўжалиги маҳсулотларини берилишини ҳужжатлаштириш ва бухгалтерия ҳисобида акс эттириш тартиби тўғрисида бу ерда батафсил ўқишингиз мумкин:  http://kadrovik.uz/question/5085.