Хизматлар таннархининг ҳисобини Маҳсулот (ишлар, хизматлар)ни ишлаб чиқариш ва сотиш харажатларининг таркиби ҳамда молиявий натижаларни шакллантириш тартиби тўғрисидаги Низомга мувофиқ юритиш керак (ВМнинг 05.02.1999 й. 54-сонли қарорига илова, кейинги ўринларда - Низом).
Хизматлар таннархини шакллантириш ва буни бухгалтерия ўтказмаларида акс эттириш тўғрисида ушбу жавобларда батафсил ўқишингиз мумкин:
http://kadrovik.uz/question/8554
http://kadrovik.uz/question/6190
Қўшимча равишда сизнинг ҳолатингиз бўйича айтиш мумкинки, ҳар бир фаолият турининг харажат ва даромадлари ҳисоби алоҳида – алоҳида юритилиши зарур. Шунга кўра, корхонангиз бир нечта турдаги хизматлар билан шуғуллангани учун, уларнинг ҳар бирига алоҳида субсчёт очиш мумкин (масалан, 9031-9131, 9032-9132 каби).
Субижарага бериш хизмати таннархи корхонангиз автотранспорт учун тўлайдиган ижара ҳақи, ҳамда бу фаолиятга бевосита тегишли бошқа харажатлар бўлса, улар қийматининг йиғиндисига тенг бўлади.
Ижарага олинган транспорт воситалари корхонанинг балансдан ташқари счет дебетида (001 “Оператив ижарага олинган асосий воситалар”) ижарага берувчи билан тузилган топшириш – қабул қилиш далолатномаси асосида акс эттирилади. Субижарага берилганда эса ижарага олувчи билан тузилган топшириш – қабул қилиш далолатномаси асосида балансдан ташқари счетдан ҳисобдан чиқарилади.
Жавоблар улар эълон қилинган санада долзарб ҳисобланади.