Саволнинг ID си: 10223
Корхонамизнинг ер майдони 8,5 гектарни ташкил этади. Шундан 2,4 гектар ер майдон ободонлаштириш ва кўкаламзорлаштириш мақсадида ижарага 10 йил муддатга ажратилган. 29.12.2017 йилдаги ПП-3454 сонли қарорнинг 7-бандига асосан ер майдони 1 гектардан кўп бўлган ЯСТ 2018 йил 1 январдан ер солиғи тўлаши тўғрисида кўрсатиб ўтилган. Лекин ушбу ўзгариш бўйича Низомга ўзгартиришлар қабул қилинмаганлиги сабабли баъзи турдош корхоналар юридик шахс ер солиғи ҳисоботини 0 қийматда топширишди.
Жамият ер солиғи ҳисоботини неча гектарга топширади ва Низом қабул қилунгунга қадар ер солиғи ҳисоботини топширмаса ёки 0 қийматда топшириш мумкинми?
Экспертларнинг жавоблари:
Майдони 1 гектардан ортиқ ер участкаси бўлган ЯСТ тўловчилари 2018 йилда ер солиғи ҳисоб-китобини Ер солиғини ҳисоблаб чиқиш ва тўлаш тартиби тўғрисидаги Низом тасдиқланганидан кейин топширадилар. Низомни ишлаб чиқиб тасдиқлаш вазифаси ЎзР Молия вазирлиги (МВ) ва Давлат солиқ қўмитаси (ДСҚ) зиммасига юклатилган (29.12.2017 й.даги ПҚ-3454 сонли қарор 7-банди).
Бу масала ҳақида МВнинг КА/04-03-32-04/164 сонли ва ДСҚнинг 13/3-03006 сонли расмий ахбороти солиқ хизматининг қуйидаги сайтида эълон қилинган:
ўзбек тилида: https://soliq.uz/uz/press_center/news/rasmiy-axborot/
“Солиқ ва божхона хабарлари” газетасининг 2018 йил 13 февралдаги 7-сонида “Ер солиғи: ЯСТ тўловчилар ҳисоб-китобни қачон тақдим этади” номли қисқача мақола чоп этилган.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 