Саволнинг ID си: 10609
Ягона солиқ тўловчиси бўлган корхона эҳтиёжи учун 100 млн сўмга енгил автомобиль олинди. 1 ойдан сўнг автомобиль 80 млн сўмга сотилди. 1 ойлик эскириш 1,250 млн сўм ҳисобланди.
Солиқ оқибатлари қандай бўлади, яъни зарарга сотилганлиги учун (қолдик қийматдан паст нархда сотилган) ягона солиқ ҳисобланмайдими?
Экспертларнинг жавоблари:
Йўқ, солиқ оқибати юзага келмайди. Чунки асосий воситани сотишда зарар кўрилган.
Асосий воситани (АВ) сотишдан молиявий натижа (фойда ёки зарар) АВни сотишдан олинган тушумдан унинг қолдиқ қиймати, АВнинг чиқарилиши билан боғлиқ харажатлар ва ҚҚСни* айириш орқали аниқланади (5-сон БҲМСнинг 53-моддаси, АВда 29.08.2004 йил 1401-сон билан рўйхатга олинган Низомнинг 24-моддаси). АВ аввал қайта баҳоланган бўлса, қайта баҳолашнинг резерв капиталидаги кредитли сальдоси АВни сотишдан олинган даромад таркибига киритилади.
*ҚҚС тўловчиси бўлса.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 