Саволнинг ID си: 11240
Ходим 2018 йил май ойида ишга қабул қилинди. Ходим 2018 йил май ойига қадар бошқа ташкилотда ишлаган. Ишлаган даври меҳнат дафтарчасида акс эттирилган. Унга аввал ишлаган иш жойидан иш ҳаки ва ундан ушланган даромад солиғи тўғрисида маълумотнома тақдим этиш талаб қилинди. Лекин ходим ушбу маълумотномани бухгалтерияга тақдим эта олмади.
Янги ишга қабул қилинган ходим 2018 йил бошида бошқа ташкилотда ишлаган бўлса, унинг аввалги ишлаган корхонасидан иш ҳаки тўғрисида маълумотнома олиб келмаганлиги сабабли максимал ставкада даромад солиғи ушлаш мумкинми?
Экспертларнинг жавоблари:
Ҳа, максимал ставкада солиқ ушлаб қолиш керак. Агар жисмоний шахс йил давомида асосий иш жойини ўзгартиса, у аввалги иш жойидан унга айнан шу жорий йилда тўланган даромад ва ундан ушлаб қолинган солиқ суммаси тўғрисида маълумотнома олиб, янги иш жойи бухгалтериясига биринчи иш ҳақи ҳисоблангунига қадар топшириши шарт. Акс ҳолда янги асосий иш жойида ундан даромад солиғи максимал ставкада ушлаб қолинади (СКнинг 186-моддаси).
Маълумотнома янги асосий иш жойига тақдим этилган тақдирда, ходимдан олинадиган даромад солиғи суммаси илгариги асосий иш жойида олинган даромадлар инобатга олинган ҳолда қайта ҳисоб-китоб қилинади.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 