Саволнинг ID си: 11535
Корхонамиз бир неча шўъба корхоналарига эга. Корхонамизда менежер лавозимида ишловчи айрим ходимлар шуъба корхоналарига раҳбарлик хам киладилар. Шўъба корхоналари банк ҳисобрақами айланмаси таҳлили асосида ушбу (ўриндош) ходимларга тўлиқ миқдорда ойлик иш ҳақи ҳисобланаётганлиги ва тўланаётганлигини аниқладик. МКнинг 115-моддасига мувофиқ, ВМ 18.10.2012 й 297-сон қарори билан тасдиқланган Низомнинг 7,11-бандларига асосан ушбу ходимларга тўлиқ миқдорда ойлик иш ҳақи тўланиши нотўғри, деб эътироз билдирдик. Бироқ рахбарият соликлар ва бошқа мажбурий тўловларни тўлаган ҳолда бундай ходимлар учун тўлиқ ойлик иш ҳақи ҳисобланиши мумкин, деб даъво қилди.
Ўриндош ходимларга, агарда солиқлар ва бошқа мажбурий тўловлар тўғри амалга оширилган бўлса, штатлар жадвалида белгиланган ойликнинг тўлик миқдорда тўланиши келгусида текширувчи органлар томонидан эътирозларни келтириб чиқармайдими?
Экспертларнинг жавоблари:
Ўриндош ходимлар меҳнатига ҳақ тўлаш сиз эслатиб ўтган «Ўриндошлик асосида ҳамда бир неча касбда ва лавозимда ишлаш тартиби тўғрисида»ги Низом билан тартибга солинади (18.10.2012 й. 297-сонли ВМҚга Илова) (кейинги ўринларда - Низом).
Ўриндошлар меҳнатига ҳақ тўлаш меҳнат шартномасига мувофиқ:
- меҳнатга ҳақ тўлашнинг ишбай шаклида – ҳақиқатда бажарилган иш учун;
- меҳнатга ҳақ тўлашнинг вақтбай шаклида – ишланган вақтга мутаносиб тарзда амалга оширилади (Низомнинг 11-б.).
Юқоридагилардан келиб чиққан холда, агарда ўриндош ходимларнинг ойлик иш ҳақи штат жадвали бўйича тўлиқ миқдорда тўланиши, меҳнат шартномасидаги меҳнат ҳақи миқдори билан фарқ қилмаса, келгусида текшрувчи давлат органлари томонидан эътирозлар чиқмайди, деб ўйлаймиз.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 