2018 йилда воситачилик шартномалари бўйича олинган товарларга ЯСТ солиш
Саволнинг ID си: 16234
Мебель ва хўжалик товарларини сотувчи чакана савдо корхонаси юридик шахслар билан тузиладиган воситачилик шартномалари асосида товарларни олади ва сотади. 2018 йилда ЯСТ тўловчи бўлган, тўлов миқдори товар оборотидан 4%ни ташкил этган. Бироқ туман ДСИнинг кўрсатмасига кўра воситачилик шартномаси бўйича олинган товарларнинг реализация қилиниши алоҳида ҳисобга олиниши ва савдо устамасидан 33% миқдорида солиқ солиниши керак экан
1. Воситачилик шартномалари бўйича олинган товарларга солиқ солиш тартиби қандай?
2. ДСИнинг воситачилик товарлари савдосидан 33% миқдорида солиқ тўланиши тўғрисидаги кўрсатмалари тўғрими?
Экспертларнинг жавоблари:
1. Воситачилик ва топшириқ шартномалари бўйича воситачилик хизматлари кўрсатадиган юридик шахслар учун товарларни реализация қилишдан олинган тушум деганда кўрсатилган хизматлар учун ҳақ суммаси тушунилади (2020 йилгача амал қилган Солиқ кодексининг 355-моддаси 2-қисми 1-бандининг 6-хатбошиси). Ушбу фаолият тури учун 2018 йилда ЯСТ 33% миқдорида белгиланган (29.12.2017 йилдаги ПҚ-3454-сон қарорнинг 9-1-иловаси).
2. Воситачилик шартномасида воситачилик товарларини сотишда корхона томонидан белгиланган савдо устамаси воситачилик ҳақи ҳисобланиши кўрсатилган бўлса, ДСИ ходимлари тўғри кўрсатма беришган. Воситачилик ҳақи - савдо устамаси суммасига 33%лик ставка бўйича ЯСТ солинади.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Телеграм канали 