Ишдан бўшамаган ҳолда фойдаланилмаган меҳнат таътиллари учун пуллик компенсация олиш имконияти
Саволнинг ID си: 16600
Ходим МЧЖда 5 йилдан бери ишлаб келмоқда. Жамоа шартномасига мувофиқ, унга 15 кундан иборат йиллик меҳнат таътили берилади. Мазкур давр мобайнида ходим 2 марта (15 кундан жами 30 кун) таътилга чиққан. Сўнгги 3 йил давомида у таътилга чиқмаган.
Ишдан бўшамаган ҳолда фойдаланилмаган меҳнат таътиллари учун пуллик компенсация олса бўладими?
Экспертларнинг жавоблари:
Мулкчилик шаклидан қатъи назар, Ўзбекистондаги барча корхоналарда фойдаланилмаган барча йиллик таътиллар учун пуллик компенсация ходимга фақат меҳнат шартномаси бекор қилингандагина тўланади (МКнинг 151-моддаси 1-қисми).
Ходимга иш даврида, унинг хоҳишига кўра, фойдаланилмаган меҳнат таътиллари учун уларнинг энг оз муддатидан (15 иш кунидан) ортиқча қисми учун пуллик компенсация тўланиши мумкин (МКнинг 134-моддаси, 151-моддаси 2-қисми).
Сизнинг меҳнат таътилингиз 15 иш куни бўлганлиги сабабли, сизга пуллик компенсация тўлаш имкониятлари мавжуд эмас.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 