АВда 2013 йил 20 мартда рўйхатга олинган 2436-сонли қарор Президентнинг 2007 йил 14 мартдаги ПФ-3860-сон Фармонининг 5-бандига Президентнинг 2017 йил 28 декабрдаги ПҚ-3448-сон қарорига мувофиқ қабул қилинган.

Президентнинг 2007 йил 14 мартдаги ПФ-3860-сон Фармонининг 5-бандида 2007 йил 1 апрелдан бошлаб олиб кириладиган технологик жиҳозларга қонунчиликда кўзда тутилган божхона тўловлари бўйича имтиёзлар технологик жиҳозлар рўйхатига мувофиқ қўлланилиши белгиланган. Имтиёз натижасида бўшаган пул маблағларининг мақсадли йўналтирилиши белгиланмаган. Шунингдек, ушбу фармонда ва 2436-сонли қарорда имтиёзнинг амал қилиш муддатлари ҳам чекланмаган.

Солиқлар ва божхона имтиёзлари берилганда бўшаётган маблағлар суммалари, агар улардан мақсадли фойдаланиш назарда тутилмаган бўлса, бухгалтерия ҳисобининг баланс ҳисобварақларида акс эттирилмайди ва молиявий натижаларни шакллантиришга таъсир қилмайди (АВда 2005 йил 2 апрелда 1463-сон билан рўйхатга олинган Низомнинг 10-банди). Бу имтиёзлар ҳар бир солиқ тури ва божхона тўлови бўйича молиявий ҳисоботга тушунтириш хатида очиб берилади (Низомнинг 13-банди).