Бош ҳисобчи хизмат йўриқномасига мувофиқ, у корхона ичида молиявий-хўжалик фаолиятининг бухгалтерия ҳисоби, моддий ва молиявий ҳамда меҳнат ресурсларидан унумли фойдаланиш устидан назорат ни, корхона ташқарисида эса , назорат қилувчи ташқи органларга ўрнатилган тартибларда солиқлар ва бошқа мажбурий тўловлар бўйича ҳисоботлар тақдим этиш, бошқа ташқи ҳамкорлар ва ташкилотлар билан, айнан – банклар, суғурта ташкилотлари ва бошқа молиявий ҳисоб-китоблар билан боғлиқ сотувчи ҳамда буюртмачилар билан қарздорликни ундириш бўйича ёзишмаларни олиб боради.

Шундай қилиб, бош ҳисобчи корхона молиявий-хўжалик ишларининг муҳим қисмига жавобгар шахсдир. Бош ҳисобчи билан меҳнат шартномасини тугатишда ушбу лавозимга тайинланган шахс билан бухгалтерия ва молия (ҳисоб сиёсати, рўйхатга олиш китоблари, касса китоблари, банк ва банк ҳужжатларидан кўчирмалар, молия ҳисоботлари ва солиқлар бўйича ҳисоб-китоблар), шунингдек, бош ҳисобчи лавозими билан боғлиқ бошқа моддий қиймат (муҳр, корхонанинг айлана штампи ва б.)га эга бўлган ҳужжатларнинг рўйхати тузилади.

Ҳужжатларни янги тайинланган ҳисобчига топшириш бериш-қабул қилиб олиш тўғрисидаги далолатнома ва унинг иловасини расмийлатштириш орқали амалга оширилади. Бундай далолатнома икки нусхада тузилиб, топширувчи ва қабул қилиб олувчи шахсларнинг имзолари билан тасдиқланади ва ҳар бир нусхаси тарафларда сақланади.

Ишлаб чиқариш корхоналарида бериш-қабул қилишда ишлаб чиқариш заҳиралари (моддий заҳиралар, таййёр маҳсулот ва б.) инвентаризациясининг омборлар ва бухгалтерия ҳисобига мослигини ҳам эътиборга олиш лозим.

Юқорида келтирилган далолатномани тузиш вақтида қабул қилаётган корхонангизнинг бухгалтерия ҳисобидаги амалдаги барча ҳисоб рақамларидаги қолган маблағлар (бухгалтерия баланси)ни ҳам текширишингиз лозим.