Саволнинг ID си: 25726
Жамиятимиз 2022 йил якунига қадар кичик тадбиркорлик субъектига оид бўлган ва штатда 100 та иш ўрни мавжуд эди. 2022 йил кўрсаткичларига мувофиқ статистика 1 КБ ҳисоботлари асосида ходимларнинг ўртача йиллик ҳисоби 103 тани ташкил қилганлиги сабабли ташкилотимиз йирик тадбиркорлик субъектига ўзгарган ва бундан кейинги ходимлар сони чегараланмаганлиги ҳақида Тошкент шаҳар статистика бошқармасининг жавоби мавжуд. Шунга кўра, жамиятимиз ходимлар сонини ошириш ниятида.
Жамиятимиз қайси норматив ҳужжатларга мувофиқ ходимлар сонини ошириши мумкин?
Экспертларнинг жавоблари:
Штат жадвали (ходимлар сони) иш берувчи томонидан белгиланади, ташкилот ходимлар сонини исталган миқдорда белгилаши мумкин.
Микрофирмалар ва кичик корхоналар учун ходимлар сонининг чегараланган миқдори белгиланган бўлиб, ташкилотда ушбу миқдордан кўпроқ ходим ишласа, ташкилот микрофирма ёки кичик корхона тоифасидан чиқарилади (Кичик тадбиркорлик субъектларига тегишли бўлган ташкилотларнинг таснифлагичи). Яъни бу ҳолатда ҳам ходимлар сонини оширишга ҳеч қандай тўсқинлик мавжуд эмас, фақатгина ташкилотнинг тоифаси ўзгаради.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Жавоблар улар эълон қилинган санада долзарб ҳисобланади.
Телеграм канали 