2025 йил 22 апрелдаги №ЎРҚ-1060 қонуни билан Солиқ кодексининг 248-моддаси 14-қисмига ўзгартириш киритилди, унга мувофиқ: «Агар гаров билан таъминланган мажбуриятни ижро этиш учун кредитор томонидан олинган мол-мулк бўйича солиқ Солиқ кодексининг 266-моддасига мувофиқ ҳисобга қабул қилинмаган бўлса, ушбу мол-мулкни реализация қилишда солиқ базаси мол-мулкни реализация қилиш нархи (ўз ичига солиқ суммасини олган) билан мол-мулкни мажбуриятни ижро этиш учун кредит ташкилоти балансига олишдаги қиймати ўртасидаги мусбат фарқ сифатида белгиланади». Амалиётда банклар Мажбурий ижро бюроси хатлари асосида юридик ва жисмоний шахсларнинг гаровга қўйилган мол-мулкини банк балансига олади ва кейинчалик уни бошқа юридик ва жисмоний шахсларга сотади.