Корхона (МЧЖ) 2022 йилдан фаолият кўрсатиб келар эди, 17.05.2024 йилда электрон онлайн аукцион савдоларида қатнашиб мулк сотиб олди. Мулк 3,3 млрд.сўм атрофида бўлган миқдорда банк кредити ҳисобидан тўланди. Лекин 2024 йил 19 августда корхона бошқа юридик шахс (у ҳам МЧЖ) таркибига қўшиб юборилди ва бу Давлат хизматлари маркази орқали рўйхатдан ўтказилди. Барча ҳужжатлар ворис юридик шахс номига қайта расмийлаштирилди. Бироқ мулкни сотиб олиш учун олинган кредит ҳали ёпилмаган ва қўшиб юборилган корхона номига расмийлаштирилган ҳолда қолган, банк ҳисоб рақами ҳам ёпилмаган. Ҳозирги кунда кредитнинг график бўйича тўлови ворис корхонанинг ҳисоб рақамидан қўшиб юборилган корхонанинг ҳисоб рақамига "Ҳуқуқий ворислик асосида" деб ўтказилиб келинмоқда. Солик органи ходимлари бошка корхонанинг кредит фоизи тўловлари чегирилмайдиган харажатга бориши тўғрисида огохлантирдилар.