Ҳа, мумкин. Агарда ички ҳужжатларига зид келмаса, давлат органи ходими бошқа ташкилот билан хизмат кўрсатиш бўйича фуқаролик-ҳуқуқий шартномаси тузиши мумкин.

Шуни таъкидлаш лозимки, тарафлар ўртасида фуқаролик-ҳуқуқий шартномасининг имзоланиши меҳнат муносабатларини келтириб чиқармайди (матнда–ФҲШ). ФҲШ бўйича ҳуқуқий муносабатлар Фуқаролик кодекси нормалари билан, хусусан, 38 боб – “Ҳақ эвазига хизмат кўрсатиш” боби билан тартибга солинади.

ФҲШ бўйича бажариладиган ишлар меҳнат қонунчилиги билан тартиба солинмас экан, унга Ўзбекистон Республикаси Вазирлар Маҳкамасининг 18.10.2012 й. 297-сон "Ўриндошлик асосида ҳамда бир неча касбда ва лавозимда ишлаш тартиби тўғрисидаги низомни тасдиқлаш ҳақида"ги Қарорида назарда тутилган Ўзбекистон Республикаси Президенти Девони ва Вазирлар Маҳкамаси аппарати ходимлари, давлат бошқаруви органлари раҳбарлари, уларнинг ўринбосарлари ва таркибий бўлинмалар бошлиқлари, Қорақалпоғистон Республикаси Вазирлар Кенгаши Раиси ва аъзолари, вилоятлар, туманлар ва шаҳарлар ҳокимлари ва уларнинг ўринбосарларининг ўриндошлик асосида ишлашини тақиқловчи нормаси тадбиқ қилинмайди.