1.Сизнинг ҳолатингизда Солиқ кодексининг 132-моддасига мувофиқ мол-мулкни оператив ижарага беришдан олинадиган даромадлар бошқа даромадлар таркибига киради. Ягона ер солиғини тўловчилар учун бошқа даромадларга, шу жумладан мол-мулкни оператив ижарага ва субижарага беришдан олинадиган даромадларга солиқ солинмайди, дивидендлар ва фоизлар, биргаликдаги фаолиятдан олинган даромадлар бундан мустасно (Солиқ кодексининг 363-моддаси). Шу билан бирга ягона ер солиғи тўловчилари қишлоқ хўжалиги маҳсулотини етиштириш ва ўзи етиштирган мазкур маҳсулотни қайта ишлаш улуши реализация қилиш ёки қайта ишлаш учун олинган қишлоқ хўжалиги маҳсулотини ўз ичига олувчи қишлоқ хўжалиги маҳсулотини етиштириш ва қайта ишлаш умумий ҳажмида камида 50 фоизни ташкил этадиган мезонга мувофиқ келиши керак (Солиқ кодексининг 362-моддаси).
2. Солиқ кодексининг 135-моддасига биноан солиқ тўловчи текин олган мол-мулк солиқ тўловчининг даромади бўлади. Мол-мулк текинга олинаётганда олувчи шахснинг даромадлари бозор қиймати бўйича белгиланади. Мол-мулкнинг бозор қиймати ҳужжатлар билан ёки баҳоловчи ташкилотнинг баҳолаш тўғрисидаги ҳисоботи билан тасдиқланади. Жўнатиш, етказиб бериш ёки топшириш ҳужжатлари, етказиб берувчиларнинг нархларга оид маълумотлари (нархномалари), оммавий ахборот воситаларидан олинган маълумотлар, биржа маълумотлари ва давлат статистикаси органларининг маълумотлари ҳужжатлар билан тасдиқлаш деб эътироф этилади.
Солиқ тўловчи томонидан текин олинган мол-мулк Солиқ кодексининг 132-моддасига биноан бошқа даромадлар таркибига киритилган бўлиб, ЯСТ тўловчилари учун унга корхонанинг асосий фаолият тури учун белгиланган ставка бўйича солиқ солинади (СКнинг 353-моддаси), умумбелгиланган солиқларни тўловчилар учун эса фойда солиғини белгилашда жами даромадлар таркибига киритилади (СКнинг 129-моддаси).
Жавоблар улар эълон қилинган санада долзарб ҳисобланади.