1. Корхонанинг автомобилларни ювиш хизматидан кўрган даромадлари ҳисоби 9030 «Ишлар бажариш ва хизматлар кўрсатишдан даромадлар» счетида юритилади. Агар ушбу хизматнинг ўзи бир нечта турдаги хизматлардан иборат бўлса, унда уларнинг ҳар бири учун алоҳида субсчёт очиш мумкин (масалан 9031, 9032).
Хизматларнинг таннархи 2010 «Асосий ишлаб чиқариш», 2310 «Ёрдамчи ишлаб чиқариш» счётларининг кредитидан 9130 «Бажарилган иш ва кўрсатилган хизматларнинг таннархи» счетнинг дебетига ўтказилади.
Ҳисобот даврининг охирида 9030 ва 9130 счётлар 9910 ”Якуний молиявий натижа” счётига ҳисобдан чиқарилади.
Бухгалтерия ҳисобида автомобилларни ювиш хизматидан тушган даромадлар қуйидагича акс эттирилади:
Хўжалик операциясининг мазмуни | Счетлар корреспонденцияси | |
Дебет | Кредит | |
Хизматларни нақдга сотиш
| 5010 «Миллий валютадаги пул маблағлари»
| 9030 «Ишлар бажариш ва хизматлар кўрсатишдан даромадлар» |
Кассадаги нақд пул маблағлари банк ҳисоб рақамига ўтказилиши учун инкассаторларга бериб юборилди | 5720 «Йўлдаги пул маблағ (ўтказма)лари-инкассацияга топширилган»
| 5010«Миллий валютадаги пул маблағлари» |
Инкассация орқали топширилган пуллар банкдаги ҳисоб рақамга кирим қилинди | 5110 «Ҳисоб-китоб счёти» | 5720 «Йўлдаги пул маблағ (ўтказма)лари-инкассацияга топширилган» |
Хизматлар тўлов терминали орқали сотилди
| 5710 «Йўлдаги пул маблағ (ўтказма)лари»
| 9030 «Ишлар бажариш ва хизматлар кўрсатишдан даромадлар» |
Терминал орқали тушган маблағлар ҳисоб рақамига кирим қилинди | 5110 «Ҳисоб-китоб счёти» | 5710 «Йўлдаги пул маблағ (ўтказма)лари» |
Кўрсатилган хизматларнинг таннархи ҳисобдан чиқарилди | 9130 «Бажарилган иш ва кўрсатилган хизматларнинг таннархи»
| 2010 «Асосий ишлаб чиқариш»; 2310 «Ёрдамчи ишлаб чиқариш» |
Даромадлар счётининг ёпилиши | 9030 «Ишлар бажариш ва хизматлар кўрсатишдан даромадлар» | 9910 «Якуний молиявий натижа» |
9130 счётнинг ҳисобот даври охирида ёпилиши | 9910 «Якуний молиявий натижа» | 9130 «Бажарилган иш ва кўрсатилган хизматларнинг таннархи» |
2. Маҳсулот (товарлар)ни жойлаш учун бир марта фойдаланиладиган тара материаллари (қоғозли, картонли, полиэтиленли), шунингдек қоғоз ва полимер материаллардан қилинган қоплар одатда уларга жойлаштирилган маҳсулотларнинг таннархига киритилган бўлади ва харидор томонидан алоҳида тўланмайди.
Маҳсулотни етказиб берувчининг ҳисобварақ – фактураларида қопларнинг нархи алоҳида ажратиб кўрсатилмаганлиги сабабли, уларни инвентаризация натижасида аниқланган материаллар сифатида кирим қилиниши керак.
Ортиқча (ҳисобга олинмаган) товар-моддий захираларни инвентарлаш натижасида аниқланган активлар таннархи улар аниқланган санадаги жорий қийматдан келиб чиққан ҳолда белгиланади.
Материалы, выявленные при инвентаризации как излишние (неучтенные), оцениваются по текущей стоимости данных или аналогичных материалов, действующей на момент обнаружения излишков ( 4 – сон БҲМС «Товар моддий заҳиралар», АВ 1595-сон билан 17.07.2006й.да рўйхатга олинган стандартнинг 25-банди).
ТМЗни инвентарлаш натижалари 19-сон БҲМС “Инвентарлашни ташкил этиш ва ўтказиш” (АВ 02.11.1999 й. 833-сон билан рўйхатдан ўтказилган) билан белгиланган тартибда расмийлаштирилади.
Бухгалтерия ҳисобида инвентарлаш натижасида аниқланган ортиқча материаллар Инвентаризация жараёнида аниқланган мол-мулк камомади ва ортиқчасининг бухгалтерия ҳисоби тартиби тўғрисидаги Низом (АВ томонидан 06.04.2004 й. 1334-сон билан рўйхатга олинган)нинг 28 – бандига мувофиқ акс эттирилади:
Товар моддий заҳираларни ҳисобга олиш счётининг дебети (1000-2900);
9390 «Бошқа операцион даромадлар»счётининг кредити.
Эслатиб ўтамизки, инвентарлаш натижасида аниқланган моддий қимматликлар қиймати корхонанинг бошқа даромадларига киритилади (Солиқ кодексининг 132 –моддаси 5-банди), ва у даромад солиғини ҳисоблашда жами даромадга (Солиқ кодексининг 129–моддаси), ЯСТни ҳисоблашда эса ялпи тушумга киритилади(Солиқ кодексининг 355–моддаси).
Сиз тикаётган сумкаларнинг ишлаб чиқариш таннархи “Маҳсулот (ишлар, хизматлар)ни ишлаб чиқариш ва сотиш харажатларининг таркиби ҳамда молиявий натижаларни шакллантириш тартиби тўғрисида Низом” (ЎзР ВМ 05.02.1999 й. 54-сон қарорига илова) га мувофиқ аниқланади.
Тайёр маҳсулотлар (сумкалар) 2810 “Омбордаги тайёр маҳсулотлар” счёти дебетига кирим қилинади. Магазинга сотиш учун топширилган тайёр маҳсулотларнинг ҳисобини юритиш учун 2840 “Магазиндаги тайёр маҳсулот” субсчётини очишингиз мумкин.
Бухгалтерия ҳисобида тикилган сумкаларнинг сотуви қуйидагича акс эттирилади:
Хўжалик операциясининг мазмуни | Счетлар корреспонденцияси | |
Дебет | Кредит | |
Тайёр маҳсулотни нақд пулга сотилиши
| 5010 «Миллий валютадаги пул маблағлари»
| 9010 «Тайёр маҳсулотларни сотишдан даромадлар» |
Маҳсулотларни тўлов терминали орқали сотишдан тушган тушум | 5710 «Йўлдаги пул маблағ (ўтказма)лари» | 9010 «Тайёр маҳсулотларни сотишдан даромадлар» |
Сотилган маҳсулотнинг таннархини ҳисобдан чиқариш | 9110 «Сотилган тайёр маҳсулот таннархи» | 2840 «Магазиндаги маҳсулотлар» |
Реализация бўйича якуний молиявий натижани акс эттириш( 9110 ва 9010 счётларни ёпиш)
| 9910 «Якуний молиявий натижа» 9010 «Тайёр маҳсулотларни сотишдан даромадлар» | 9110 «Сотилган тайёр маҳсулот таннархи» 9910 «Якуний молиявий натижа» |
Жавоблар улар эълон қилинган санада долзарб ҳисобланади.
Телеграм канали 