Сизнинг саволингизга аниқ жавоб бериш учун олиб келинган техника ва технологик жихозларни номи ва техник тавсифлари бўйича қўшимча маълумотлар зарур бўлади.

870 520 0000 ва 870 590 9000 ТИФ ТН кодлари бошқа махсус мўлжалланган мотор транспорт воситалари учун белгиланган.

Солиқ кодекснинг 269 моддаси 16-бандида мол-мулк солиғи бўйича имтиёзлар «машиналар ва ускуналар» гуруҳида ҳисобга олинган кўпи билан ўн йил давомида ишлатиб келинаётган машина ва асбоб-ускуналар учун белгиланган.

Сиз олиб келган маҳсус техникалар «машиналар ва ускуналар» гуруҳи таркибида ҳисобга олинганлиги юзасидан аниқлик киритиш учун асосий воситаларни қайта бахолашда қўлланиладиган кодлар (шифрлар)га эътибор қаратиш керак. Агар ушбу жиҳозлар ТИФ ТН кодлари ва техник савсифлари бўйича 4-сонли «машиналар ва ускуналар» гуруҳига тегишли бўлса, у ҳолда сиз Солиқ кодекснинг 269 моддаси 16-бандида кўзда тутилган мол-мулк солиғи бўйича имтиёзлардан фойдаланишга ҳақли бўласиз.