Ҳақиқатдан, Солиқлар ва бошқа мажбурий тўловларга пеня ҳисоблаш тартиби тўғрисида Низом (АВ 09.10.2007 й. 1724-сон) билан белгиланганки, солиқ қарзи суммасининг солиқларнинг ортиқча тўланган сумма миқдорига тенг қисмига пеня ҳисобланмайди. Бунда, келтирилган мисоллардан кўриниб турибдики, ортиқча тўланган суммалар ва қарзлар барча солиқ турларининг йиғиндисига нисбатан олинади.

Солиқлар ва бошқа мажбурий тўловлар бўйича ортиқча тўланган суммалар мавжудлиги давлат солиқ хизмати органлари томонидан тасдиқланиши лозим.

Бугунги кунда солиқларни ҳисобини юритувчи электрон дастурда ушбу норма ишламаяпти.

Шунинг учун давлат солиқ хизмати органлари томонидан солиқлар ва бошқа мажбурий тўловлар бўйича ортиқча тўланган суммалар мавжудлиги тўғрисида тасдиқнома (солиқлар бўйича далолатнома) олишни ва уни илова қилган ҳолда ёзма равишда солиқларга ҳисобланган пеняларга тўғирлашлар киритиш тўғрисида солиқ хизмати органларига мурожаат қилишингизни маслаҳат берамиз. Бу ҳолатда сизнинг инспекторингиз мустақил равишда электрон дастурда ҳисобланган пеняларга тўғирлашлар киритади.