1. Аввало, хусусий корхонанинг бош бухгалтери олий маълумотга эга бўлиши шарт эмас (“Бухгалтери ҳисоби тўғрисида”ги Қонуннинг 12-м. 5-қ., “Аудиторлик фаолияти тўғрисида”ги Қонуннинг 10-м. 1-қ.).

Бухгалтерия бўйича малака ошириш ЎзР Давлат тест марказининг берилган лицензиясига асосан фаолият юритаётган нодавлат таълим муассасалари томонидан амалга оширилади (Ўзбекистон бухгалтерларини сертификатлаш тўғрисида Низомнинг 9-б.).

2. Малака ошириш ва қайта тайёрлаш таълим муассасаларидаги ўқиш натижаларига кўра давлат томонидан тасдиқланган намунадаги гувоҳнома ёки сертификат топширилади (ЎзР 29.08.97 йилги Қонуни билан тасдиқланган Ўзбекистон Республикаси кадрлар тайёрлаш миллий дастурининг 3.3.3-банди).

3. Малака оширишнинг даврийлиги бўйича, яъни йилида камида бир марта ўтиш талаби фақатгина мажбурий аудиторлик текширувидан ўтиши лозим бўлган корхоналарнинг бош бухгалтерларига нисбатан белгиланган (“Бухгалтери ҳисоби тўғрисида”ги Қонуннинг 12-м. 6-қ.).