2. Ҳа, мумкин.
Юридик шахснинг корпоратив картасидан Маҳсулот (ишлар, хизматлар)ни ишлаб чиқариш ва сотиш харажатларининг таркиби ҳамда молиявий натижаларни шакллантириш тартиби тўғрисида низомда (ВМ 05.02.1999й. 54-сон қарори билан тасдиқланган, кейинги ўринларда 54-сон Низом) кўзда тутилган харажатларни амалга оширишда тўлов воситаси сифатида фойдаланиш мумкин (АВ 18.04.2005й. 1470-сон билан рўйхатдан ўтган Низомнинг 6-банди).
Ишлаб чиқариладиган маҳсулотнинг асосини ташкил этиб, унинг таркибига кирадиган ёки маҳсулот тайёрлашда (ишларни бажаришда, хизматлар кўрсатишда) зарур таркибий қисм ҳисобланган четдан сотиб олинадиган хом ашё ва материаллар 54-сон Низомнинг 1.1.1.-бандида келтирилган. Демак, уларни харид қилишда корпоратив картадан фойдаланиш мумкин.
Корпоратив картадан амалга оширилган харидларни расмийлаштириш бўйича батафсил маълумотлар:
-«СБХ» газетамизнинг 09.05.2016й. 19-сонида “Корпоратив карталар билан ҳисоб-китоб қилганда” саҳифасида;
-ҳамда сайтимизда экспертларнинг куйидаги жавобларида келтирилган:
http://kadrovik.uz/question/8238;
http://kadrovik.uz/question/6279;
http://kadrovik.uz/question/8517
3. Бозорда қишлоқ хўжалиги маҳсулотларини сотувчи-жисмоний шахсдан сотиб олишингиз мумкин. Ҳисоб-китобни сотувчининг пластик картасига пул кўчириш йўли билан амалга ошириш учун тегишли тартибда ёзма равишда олди – сотди шартномаси расмийлаштирилиб, унда жумладан пул кўчириш учун пластик карта реквизитлари кўрсатиб ўтилиши керак.
Бунда сотувчи – жисмоний шахсда солиққа тортиладиган даромад юзага келади. Бунда зарур ҳужжатлар ва сотувчининг даромадига солиқ ҳисоблаш бўйича батафсил маълумотларни бу ерда ўқишингиз мумкин:
I. Ҳа, тўғри бўлади. Қандай ҳужжат талаб қилиш сизнинг ихтиёрингизда.
Деҳқон хўжалиги - томорқа ер участкасида қишлоқ хўжалиги маҳсулоти етиштириш ва реализация қилиш билан шуғулланадиган оилавий майда товар хўжалиги ҳисобланади («Деҳқон хўжалиги тўғрисида»ги Қонун 1-м.).
Сизнинг корхонангиз томонидан деҳқон хўжалигидан маҳсулот сотиб олиш учун у билан шартнома тузиш лозим бўлади. Сиз ихтиёрингизга кўра, ўз ҳамкорингиз – деҳқон хўжалигидан шартномани тузиш, шунингдек уни бажариш, ўзгартириш ва бекор қилиш муносабати билан зарур бўлган маълумотномалар ва бошқа ҳужжатларни (масалан, хўжаликни давлат рўйхатидан ўтганлиги тўғрисидаги гувоҳномани) сўраш ва олиш ҳуқуқига эгасиз («Хўжалик юритувчи субъектлар фаолиятининг шартномавий-ҳуқуқий базаси тўғрисида»ги Қонун 6-м.).
Маълумот ўрнида шуни айтиб ўтиш лозимки, хўжалик шартномаси шартнома предметини етказиб бериладиган товарнинг (ишнинг, хизматнинг) миқдори, сифати, ассортименти ва баҳосини, шартноманинг бажарилиш муддатларини, ҳисоб-китоб қилиш тартибини, тарафларнинг мажбуриятларини, шартнома мажбуриятлари бажарилмаганда ёки лозим даражада бажарилмаганда тарафларнинг жавобгарлигини, низоларни ҳал этиш тартибини ҳамда тарафларнинг реквизитларини, шартнома тузилган сана ва жойни каби шартларни албатта назарда тутиши керак («Хўжалик юритувчи субъектлар фаолиятининг шартномавий-ҳуқуқий базаси тўғрисида»ги Қонун 10-м.).
Жавоблар улар эълон қилинган санада долзарб ҳисобланади.
Телеграм канали 