Йўқ, ушбу давр учун фойдаланилмаган таътил учун компенсация ҳисобланилмайди.

Таътиллар муддатини ишланган вақтга мутаносиб равишда ҳисоблаб чиқаришда ишланган ойлар сифатида 15 календарь кунга тенг ва ундан кўп бўлган кунлар бир ой деб яхлитланади, 15 календарь кундан ками эса чиқариб ташланади (МКнинг 171-моддаси).

Шунга кўра ходим ой давомида 5 иш куни, 7 календар куни ишлаганини ҳисобга олиб, унинг ушбу ишлаган даври меҳнат таътили ҳисобланувчи иш стажига киритилмайди. Шунингдек, иш ҳақи сақланмаган ҳолда бериладиган муддати 2 ҳафтадан кўп бўлган таътиллар ҳам йиллик асосий таътилни олиш ҳуқуқини берувчи иш стажига киритилмайди (МКнинг 142-моддаси). Шунга кўра, ходим 19 кун иш ҳақи сақланмаган таътилда бўлган даври учун ҳам компенсация ҳисобланмайди.