МЧЖ йилнинг ҳар чорагида, ярим йилда бир марта ёки бир йилда бир марта ўзининг соф фойдасини жамият иштирокчилари ўртасида тақсимлаш тўғрисида қарор қабул қилишга ҳақли. Жамият иштирокчилари ўртасида тақсимланадиган фойдаси қисмини аниқлаш тўғрисидаги қарор жамият иштирокчиларининг умумий йиғилиши томонидан қабул қилинади («Масъулияти чекланган ҳамда қўшимча масъулиятли жамиятлар тўғрисида»ги Қонуннинг 25- моддаси).
Жамият ўз иштирокчилари ўртасида тақсимланиши тўғрисида қарор қабул қилинган фойдани тўлаши шарт. Аммо уларни тўлаб бериш муддатлари қонунчиликда белгиланмаган.
Шунинг учун, агар 2017 йилда ҳисобланган дивидендлар 2017 йил якунигача таъсисчиларга тўлиқ тўлаб берилмаган бўлса, уларнинг қолдиқ суммаси келгуси йилларда тўлаб берилиши мумкин.
Дивидендлар суммасидан тўлов манбаида олинадиган фойда солиғи уларни тўлаш пайтида ушлаб қолинади ва ушбу муддатдан кечиктирмай бюджетга ўтказиб берилади (СКнинг 165-моддаси).
Жавоблар улар эълон қилинган санада долзарб ҳисобланади.