1.Агар Савдо Харид шўъба корхонаси ВМнинг 2016 йил 24 августдаги 275-сонли қарорига мувофиқ кичик бизнес субъекларига мансуб бўлса, у ҳолда ЯИТ ставкаси 2017 ва 2018 йиллар учун ИҲФнинг 15%ини, бироқ ҳар бир ходимга энг кам ойлик иш ҳақининг 65 %идан кам бўлмаган миқдорни ташкил этади (Президентнинг 2016 йил 27 декабрдаги 2699-сонли қарори 25-иловаси 1-банди, 2017 йил 29 декабрдаги 3454-сонли қарори 23-иловаси 1-банди, ВМнинг 2015 йил 13 февралдаги 26-сонли қарори 2-банди).
Акс ҳолда ЯИТ ИҲФнинг 25%и, лекин ҳар бир ходимга энг кам иш ҳақининг 100%идан кам бўлмаган миқдорда тўланади (Президентнинг 2016 йил 27 декабрдаги 2699-сонли қарори 25-иловаси 2-банди, 2017 йил 29 декабрдаги 3454-сонли қарори 23-иловаси 2-банди, АВда 2010 йил 13 апрелда 2095-сон билан рўйхатга олинган қарорга илованинг 1-банди).
2.Савдо Харид шўъба корхонасининг йил якуни бўйича олган фойдаси унинг таъсисчиси бўлмиш Деҳқон бозорининг қарорига асосан тасарруф этилади. Фойда дивиденд сифатида таъсисчига тўлаб берилиши, шўъба корхонанинг ўзида жамғарилган фойда сифатида қолиши, шўъба корхонанинг устав капиталини оширишга ёки бошқа мақсадларга йўналтирилиши мумкин. Бу масалани ҳал қилиш шўъба корхонанинг ваколати доирасига кирмайди.
3.Агар Савдо Харид шўъба корхонасининг йил якуни бўйича олган фойдаси Деҳқон бозорига дивиденд сифатида тўлаб берилса, 10% миқдорида дивиденд солиғини ушлаб қолиб давлат бюджетига ўтказиб бериш тўлов манбаи бўлган Савдо Харид шўъба корхонасининг мажбуриятидир (СКнинг 165-моддаси).
Жавоблар улар эълон қилинган санада долзарб ҳисобланади.