Саволнинг ID си: 10218
Ягона солиқ тўловчиси бўлган корхона томонидан 2017 йилнинг 1 чорагида ижарага олинган ишлаб-чикариш биноларида трикотаж маҳсулотлари ишлаб чиқарилган. Шунингдек, қисман улгуржи савдо фаолияти билан ҳам шуғулланган. Чорак якуни бўйича трикотаж маҳсулотлари ишлаб чиқариш ҳажми умумий товар айланманинг 60 фоизидан кўп бўлган ва ПҚ-1050, ПҚ-2687 қарорига асосан имтиёзга эга бўлган. 2-3-4 чорак даврида корхона томонидан ишга туширилган кувватлар асосида тиббиёт буюмлари: тиббий пахта, тиббий бинт маҳсулотлари ишлаб чиқарилган. Корхона томонидан 2-3-4 чораклари даврида ПҚ-2911 қарорга асосан имтиёз ҳуқуқини берувчи тиббий маҳсулотлари ишлаб чиқариб сотиш ҳажми ҳар чоракда 60 фоиздан кўп бўлган. Шунингдек, қисман улгуржи савдо фаолияти билан ҳам шуғулланган. Йил якуни бўйича тиббий буюмлар ишлаб чиқариб сотиш ҳажми жами товар айланманинг 60 фоизидан кўп бўлган. Бошка фаолият турларини ҳам амалга оширган.
Корхона 2017 йил якуни бўйича барча фаолият турларидан имтиёз ҳуқуқига эга бўладими?
Экспертларнинг жавоблари:
Президентининг 28.01.2009й. ПҚ-1050-сонли, 21.12.2016й. ПҚ-2687-сонли ва 20.04.2017й. ПҚ-2911-сонли қарорларида кўрсатилган имтиёзлардан фойдаланишнинг асосий шартларидан бири шуки, уларда кўрсатилган имтиёзлар қўлланиладиган товарларни сотишдан тушум ҳажми ҳисобот даври якуни бўйича умумий реализация ҳажмининг камида 60 фоизини ташкил этиши лозим (ПҚ-1050, 3-банд 5-хатбоши; ПҚ-2687, 14-банд 5- хатбоши; ПҚ-2911, 2-банд.).
Демак, йил якуни бўйича умумий реализация ҳажмидаги устун бўлган маҳсулотга нисбатан имтиёз қўллаш мумкин.
Сизнинг ҳолатда 2017 йил якуни бўйича тиббиёт маҳсулотларини ишлаб чиқаришдан олинган тушум умумий реализация ҳажмининг 60 фоизидан ортиқни ташкил этади ва корхонангиз ПҚ-2911 билан белгиланган имтиёзлардан фойдаланиши мумкин. Бунда имтиёзлар корхонанинг барча фаолият турлари бўйича олинган тушумга нисбатан қўлланилади.
Экспертларнинг жавоблари уларнинг фикрларини акс эттиради ва Сиз мустақил қарор қабул қилишингиз учун ахборот асосини яратади. Ушбу сервисдан фойдаланишда Сиз сайт орқали савол бера туриб, уларга рози бўлган
қоидаларга
амал қилинади. Барча савол ва жавобларни эркин кўриш мумкин.
Жавоблар улар эълон қилинган санада долзарб ҳисобланади.
Телеграм канали 