Солиқ Кодексининг 109-моддаси 4-бандида: “Молия-хўжалик фаолиятини амалга ошириш чоғида биринчи марта ҳуқуқбузарлик содир этган тадбиркорлик субъекти қонун ҳужжатларида белгиланган муддатларда йўл қўйилган қоидабузарликларни ихтиёрий равишда бартараф этган ва етказилган моддий зарарнинг ўрнини қоплаган, шу жумладан солиқларни ва бошқа мажбурий тўловларни тўлаган тақдирда, унга нисбатан жарималар ҳамда молиявий санкциялар (пенядан ташқари) қўлланилиши мумкин эмас”, - деб белгилаб қўйилган. Тадбиркорлик субъекти фаолияти давомида биринчи марта товарлар реализациясидан тушумни яшириш хукукбузарлиги содир этилган. Солиқ инспекцияси томонидан қўшимча солиқларни ҳисоблаш ва молиявий жарима қўллаш тўғрисидаги қарор (01.03.2018й.) қабул қилингунга қадар тадбиркорлик субъекти белгиланган солиқлар, мажбурий тўловларни тўлаб қўйган, зарар тўлиқ қопланган.