1. Меҳнат дафтарчаларини юритиш тартиби тўғрисидаги  Йўриқномада (АВ томонидан  29.01.1998 й. 402- сон б. рўйх. ол.) белигиланган тартибда меҳнат дафтарчасини юритишингиз лозим.

2. Ходимнинг аризасига кўра унга иш ҳақи сақланмаган ҳолда таътил берилиши мумкин, унинг давомийлиги ходим ва иш берувчи ўртасидаги келишувга кўра белгиланади, лекин у ўн икки ойлик давр мобайнида жами уч ойдан ортиқ бўлмаслиги керак.

Демак, меҳнат шартномасини бекор қилишга хожат йўқ, чунки бу масала ходим ва иш берувчи ўртасидаги келишувга кўра белгиланади (МКнинг 150-моддаси).

3. Иш берувчи меҳнат дафтарчасига ишга қабул қилиш, бошқа доимий ишга ўтказиш ва меҳнат шартномасини бекор қилиш тўғрисидаги маълумотларни ёзиши шарт. Ходимнинг илтимосига кўра меҳнат дафтарчасига ўриндошлик асосида ишлаган ва вақтинча бошқа ишга ўтказилган даврлар ҳақидаги ёзувлар киритилади. Меҳнат шартномасини бекор қилиш асослари (сабаблари) хамда бошқа ёзувлар меҳнат дафтарчасига киритилмайди (МКнинг 81-моддаси).